Apirilaren 23ra arte zabalik egongo da LaborLan programan (Enplegurako laguntza programa, prestakuntzaren eta kontratazioaren bidez) aurreinskripzioa egiteko epea.

• Programari buruzko informazioa DEMA – Enplegu eta Ekintzailetza Foru Agentzian (info@dema.eus/944 189 055) edo Enplegua Sustatzeko Zuzendaritzan eskuratu daiteke (lanera.enplegua@bizkaia.eus /944068008).

“LaborLanen edizio berrian 85 pertsonak parte har dezakete.“

Laespada:

Bilbon, 2024ko martxoaren 26an. Aldundiaren Gobernu Kontseiluak LaborLan programaren bosgarren edizioa onartu du, eta aurreinskripzioa apirilaren 18ra arte egingo da zabalik. LaborLan enplegurako laguntza emateko ekimena da, eta horretarako, prestakuntza eta kontratazioa eskaintzen ditu.

Aurreinskripzioak Bizkaiko enpleguaren atarian (www.portaldeempleodebizkaia.eus) egin daitezke, eta programari buruzko informazioa atari horretan dago eskuragarri. Halaber, programari buruzko informazio gehiago lortzeko edo zalantzak argitzeko, DEMA – Enplegu eta Ekintzailetza Foru Agentziara (info@dema.eus/944 189 055) edo Enplegua Sustatzeko Zuzendaritzara (lanera.enplegua@bizkaia.eus /944068008) jo behar da.

LaborLan hitzarmenen bidez kudeatzen da; zehazki, hainbat sektoretan ezagutza eta esperientzia duten lau erakunde hauekin egin dira hitzarmenak:  Basque Health Cluster (Osasun Klusterra), GAIA (Euskadiko Teknologia Elektronikoen eta Informazioaren Industrien Elkartea), ASCOBI-BIEBA (Bizkaiko Etxegileen eta Higiezin Sustatzaileen Elkartea), AVE-BIE (Asociación Vizcaína de Excavadores-Bizkaiko Induskari Elkartea). Aldundiak 402.000 eurotik gorako inbertsioa egin du hitzarmen horietan.  Era berean, Bizkaiko Foru Aldundiak diruz laguntzen du parte-hartzaileen hiru hilabeteko lan-esperientzia, eta horretarako, 650.000 euro gehiago jarri du.

LaborLanen bosgarren edizio honetan 85 pertsona izan daitezke programaren onuradun. Aurreko lau edizioetan (Teknilan programa ere) 428 pertsonek hartu dute parte eta 285 lan-esperientzia eta 195 kontratazio egon dira.

LABORLANEN FILOSOFIA

Teresa Laespada diputatu nagusiorde eta Enplegua, Gizarte Kohesioa eta Berdintasuna Sustatzeko Saileko foru-diputatuak azaldu duenez, programaren helburua langabeak laneratzea da, eta horretarako, lehentasuneko taldeak ezarri dira, hau da, langabeziaren kostu sozialik handiena duten eta lan-merkatutik urrunen dauden kolektiboak:   iraupen luzeko langabeak, 45 urtetik gorakoak eta gizarte-egoera ahulean dauden gazteak. 

Era berean, Laespadaren hitzetan, LaborLanen helburua da enpresek, Bizkaiko garapen ekonomikorako, oinarrizko sektoreetan eta sektore estrategikoetan behar duten talentua sortzea. Izan ere, talentu horrek trantsizio hirukoitzerantz aurrera egiten lagunduko du, teknologia, ingurumen eta osasun arloko trantsizioarekin lotutako lanak garatzeko behar diren gaitasun eta trebetasunekin. Diputatuak gaineratu duenez, LaborLanek laguntza eskaintzen du kalitateko enplegua lortzeko.

Ildo horretan, Laborlan bat dator Enplegua, Gizarte Kohesioa eta Berdintasuna Sustatzeko Sailak garatzen duen enplegu-politika aktiboen kudeaketa-eredu berriarekin. Eredu horren arabera, programen protagonistak dira, batetik, langabeak, eta, bestetik, enpresak, enplegu duina eta garapen ekonomiko jasangarria sortzeko.

Programak pertsonei laguntzen die: lan-aktibaziorako eta enplegagarritasuna hobetzeko tresnak eskaintzen dizkie, talentu berria behar duten sektore estrategikoetan gaitasun teknikoak eta digitalak ematen dizkie eta enpresek eskatzen duten lan-esperientzia (lan-kontratuarekin) ahalbidetzen die.

Enpresei beharrizanak zehazteko eta haiei erantzuna emateko laguntza eskaintzen die, lan-demografia eta trantsizio hirukoitzaren (ekologiko-ingurumenekoa, teknologiko-digitala eta demografikoa) arloko erronkei aurre egiteko lanbide-profilei dagokienez.

Izen emateak

• Eraikinen birgaitze jasangarria

• Programazioa eta web aplikazioen garapena (JavaScript eta Phyton)

• Programazioa eta web aplikazioen garapena (.net)

• Eraikuntzako makineriaren mantentze lanak

• Eraldaketa digitala biomedikuntzaren sektorean