DEMAk networking saio bat antolatu du

Eguna hasteko, Isabel Muela Demaren zuzendariordeak ongietorria eman ondoren, Teresa Laespada Enplegua, Gizarte Kohesioa eta Berdintasuna Sustatzeko foru-diputatuak hartu zuen hitza, eta erakundeek enplegua sortzearekin duten konpromisoa nabarmendu zuen.

Jarraian, hitzaldi inspiratzaile bat izan zen Almudena Rodríguez Pardoren eskutik: “Gaur aterako dut nire gabarra! XXI. mendeko lan-merkatuan barrena nabigatzen”. Almudena nazioarteko aholkulari da Business Agility arloan, eta Rodríguez Pardo & Assocs enpresaren sortzaileetako bat; enpresa globalen antolaketa eraldatzen esperientzia handia du, eta eskarmentu hori guztia partekatu zuen ikuspegi errealista batetik, “eguneroko zereginen ikuspegitik”, haren esanetan. Zalantzarik gabe, ekarpen oso baliotsua egin zien lan-merkatuan sartu nahi dutenei, enpresen errealitatearen berri emanez.

Saioaren lehen zatia amaitzeko, Gloria Mugica DEMAren zuzendari-kudeatzaileak eskerrak eman zizkien parte-hartzaile guztiei eta topaketaren helburuak zeintzuk ziren nabarmendu zuen: plataforma bat eskaintzea anezketan parte hartzen dutenek lan-saioetan landutako trebetasunak aplikatzeko eta egungo lan merkatuaren aukerak arakatzeko aukera izan dezaten.

Ekitaldiaren bigarren zatian, Pilar Carranza DEMAko programen zuzendariak hautaketa-elkarrizketen espazioa aurkeztu zuen; gune horretan, parte-hartzaileek Bizkaiko hainbat enpresatako giza baliabideetako arduradunekin hitz egiteko aukera izan zuten. Aldi berean, Almudena Rodríguez Pardok hausnarketarako eta eztabaidarako tarte bat ere zabaldu zuen, bere hitzaldian landutako gaietan sakontzeko eta elkarreraginean aritzeko aukera emanez bertaratuei.

Horrelako ekimenen bitartez, indartu egiten da DEMAk eta tokiko erakundeek Bizkaian enplegagarritasuna eta laneratzea hobetzearekin duten konpromisoa, eta garapen profesionalerako tresna eta aukera zehatzak eskaintzen zaizkie parte-hartzaileei. Laespadaren hitzetan, “gure enplegu-politikak garatzen ditugun moduaren adierazgarri da, argi eta garbi, ekitaldi hau; guk ez dugu denontzat berdina eskaintzen beti, pertsona bakoitzak, une bakoitzean behar desberdinak izaten dituelako”. Eskerrak eman zizkien, era berean, parte hartu zuten enpresei.

PARTE HARTU DUTEN ENPRESAK

• VIUDA DE SAINZ

• DOTTO CONSULTORES

• ANSAREO

• ADECCO

• BIZINTEK

• GRUPOEMPLEO

• WALT

• FEDERACIÓN METAL

• BM-UVESCO

• RANSTAD

• GAZTAROA-SARTU

• ETORKINTZA

• WORLD2MEET

• ORMAZABAL Y CÍA SLU